युवा पर्यटन व्यवसायी कमल सापकोटा भिटोफ नेपालको अध्यक्षमा निर्विरोध, साउन १६ गतेको साभारणसभामा घोषणा हुँदै
टुरिजम टाइम्स संवाददाता/ काठमाडौं । युवा पर्यटन व्यवसायी कमल सापकोटा गाउँ पर्यटन प्रर्वद्धन मञ्च (भिटोफ नेपाल)को अध्यक्षमा निर्विरोध चयन भएका छन् । यहि साउन १६ गते हुन लागेको साधारणसभा संगै हुन गइरहेको निर्वाचनको लागि मंगलबार भएको उम्मेदवारी मनोनयनमा अध्यक्षका लागि सापकोटाको मात्र उम्मेदवारी परेको थियो ।
मंगलबारको मनोनयन र्दाको अवधिमा अध्यक्षमा कमल सापकोटा, प्रथम उपाध्यक्षमा राम घले, दृत्तिय उपाध्यक्षमा दिपक दाहाल, महासचिवमा बासुदेव पाण्डे, सचिवमा जस्था पाण्डे र आशुतोष प्रधान, कोषाध्यक्षमा दिपक खनाल र गगनराज न्यौपाने, सह कोषाध्यक्षमा कृष्ण बहादुर सुवेदीले मनोनयन दर्ता गराएका थिए । त्यसैगरि सदस्यहरुमा हरिचन्द्र गैरे, सञ्जिव श्रेष्ठ कुल प्रसाद सुवेदी, जंग बहादुर लामा र प्रकाश अर्यालले मनोनयन दर्ता गराएको भिटोफ नेपालले जानकारी दिएको छ ।
मनोनयन दर्ताको लागि लागि तोकिएको मंगलबारको साढे ४ बजे सम्मको समयमा परेको उम्मेदवारी दर्ता अअनुसार सचिव र कोषाध्यक्ष पदबाहेक सबै पदमा निर्विरोध हुने पक्का भएको छ । सचिव र कोषाध्यक्ष पदमा दुई–दुई जनाको उम्मेदवारी परेपनि समझदारीमा ती दुई पदमा पनि निर्विरोधका लागि प्रयास भइरहेको छ । समितिमा दुई जना सदस्य मनोनित भने निर्वाचित कार्यसमितीले गर्ने संस्थाको प्रावधान रहेको छ ।
TOURISM TIMES 