TOURISM TIMES

Devoted to Promote tourism in Nepal

सम्पादकीय : एनएसी र नेपाली पर्यटन

नेपाली पर्यटन विकासका लागि बलियो राष्ट्रिय ध्वजावहाकको मुद्दा विगतदेखि नै उठदै आएको हो । विश्वका प्रमुख गन्तब्यसम्म सीधा उडान, सस्तो हवाईभाडा र चाहिएजति सीट भए नेपालमा बिदेशी पर्यटकको ओइरो लाग्छ भन्ने तर्क लामो समयदेखि पर्यटन क्षेत्रका जानकारहरुले गर्दै आएका छन् । तर, कुनै बेला जापान, जर्मनी र अमेरिकासम्म उडान भर्दै आएको नेपाली ध्वजावहाक नेपाल वायुसेवा निगम (एनएसी) अहिले नजिकका एकदुईवटा अन्तर्राष्ट्रिय गन्तब्यमा खुम्चिएर बाँचिरहेको छ । अघिल्लो वर्ष दुईवटा न्यारो बडीका एयरबस किनेको निगमले अब भने आफुलाई थप परिष्कृत र सु–सम्पन्न बनाएर अघि बढने तयारी थालेको छ । यसलाई पर्यटन क्षेत्रका लागि सुखद समाचारका रुपमा सबैले लिएका छन् । धेरै गन्तब्यसम्म नपुग्ने र पुगेका गन्तब्यमा पनि ढिलो उडने, नियमित सञ्चालन नहुने र प्रभावकारी उपस्थिति देखाउन नसकेको निगमले आफ्नो सेवा सुधारका रणनीतिक तीन वर्षे कार्ययोजना ल्याएको छ । निगमले आफ्नो व्यवस्थापनमा व्यापक सुधार सहित आगामी २०७३ साल मङ्सिरमा पहिलो वाईड बडी बिमान र माघमा दोस्रो वाईडवडी बिमान खरिद गर्ने लक्ष्यसहित तीनवर्षे सुधार कार्य योजना सार्वजनिक गरेको हो । निगमका महाप्रवन्धक सुगतरत्न कंसाकारले आगामी वर्षमा वाईड वडीका दुई विमान र २०७४ साल वैशाखमा एक न्यारोवडी विमान र असारमा अर्को गरी दुई न्यारोवडी विमान खरिद गर्ने योजना बनाएका छन् ।

सो कार्ययोजनाअनुसार २०७४ साल असारसम्म अन्तर्राष्ट्रिय उडानतर्फ निगममा दुईवटा वाइडबडी र पूरानो दुई वटा बोइङग समेत गरी छ वटा जेटवडी विमानले सेवा दिने र हवाई नीतिअनुसार सुरक्षित र भरपर्दो हेलिकप्टर सेवा दिइने निगमको घोषणामा छ । निगमले थप नयाँ गन्तव्यमा उडान सञ्चालन गर्न २०७३ साल असारसम्म ग्वाङ्गजाओ, कलकत्ता, कुनमिङ्गलगायत स्थानमा सेवा सञ्चालन गर्ने र दिल्लीमा थप उडानहरु राख्ने लक्ष्य राखेको छ । निगमले पहिलो वाइडबडी २०७३ साल मङ्सिरमा उपलब्ध भएपछि अष्ट्रेलिया, जापान र कोरियामा दास्रो वाइडवडी ल्याएपछि साउदी अरेविया, दमाममा सेवा सुरु गरिने साथै थप दुई न्यारोवडी आइसकेपछि कोलम्बो, याङ्गुलगायत स्थानमा सञ्चालन गर्ने लक्ष्य लिएको बताएको छ । त्यसैगरी, आन्तारिक उडानतर्फ अहिले भएको तीन ट्वीन–अट्टर, एक वटा एम ए ६० र एक वटा वाई १२ ई को अलावा अन्य विमानहरु थपेर यसका अतिरिक्त हेलिकप्टर सेवा समेत सञ्चालनमा ल्याउने योजना छ । निगमको तीन वर्षे सुधार कार्ययोजनामा आगामी छ महिनाभित्र विश्वभरीका २०० राष्ट्रहरुमा ई–टिकेट लागु गर्ने योजना बनाएको छ । निगमको हाल अन्तराष्ट्रिय उडानतर्फ चार, आन्तरिक उडानतर्फ पाँच वटा विमान सञ्चालन गरिरहेको छ । नेपालले ३८ मुलुकसँग हवाई सम्झौता गरिसकेको भएता पनि अहिलेसम्म निगमले जम्मा पाँच मुलुकका सात सहरमा मात्र सेवा सञ्चालन गरेको छ । निगमको यो कार्ययोजना कार्यान्वयन हुन सके एकातर्फ नेपाली हवाईक्षेत्रमा नयाँ युगको थालनी हुनेछ भने अर्कोतर्फ नेपाली पर्यटन प्रवद्र्धनमा समेत व्यापक प्रभाव पर्नेछ । राष्ट्रिय ध्वजावहाकको विश्वको सबैतिर उपस्थिती बढन सके त्यसले नेपालकै गौरव बढाउनेछ ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Information

This entry was posted on February 10, 2016 by in Uncategorized.
Saujanya Timalsena

It's a reflection of my imagination, creativity, ideas, opinions and thoughts. Personal blog on topics whatever comes to my mind and ones that I feel like writing.

TOURISM TIMES

Devoted to Promote tourism in Nepal

The Daily Post

The Art and Craft of Blogging

The WordPress.com Blog

The latest news on WordPress.com and the WordPress community.

%d bloggers like this: