पर्यटन बोर्ड सदस्यमा तीन जना नियुक्त
काठमाडौं – नेपाल पर्यटन बोर्ड सञ्चालक समिति सदस्यमा फूर्वा ग्याल्जेन शेर्पा, धनेन्द्र श्रेष्ठ र राजेन्द्र सापकोटा नियुक्त भएका छन् । शेर्पा पुनः दोर्होयाएर बोर्ड सदस्य नियुक्त भएका हुन् भने श्रेष्ठ र सापकोटा नयाँ सदस्य नियुक्त भएका छन् । बिहीबार पर्यटनमन्त्री दीपकचन्द्र अमात्यले आगामी तीन वर्षका लागि बोर्ड सदस्य नियुक्त गरेका हुन् । बोर्डमा प्रतिनिधित्व गरेका शेर्पा, पम्फा धमला र टीकाराम सापकोटाको पदावधि गत पुस १७ गते सकिएको थियो । उनीहरुको पदावधि सकिएपछि नयाँ सदस्य नियुक्त भएको पर्यटन मन्त्रालयले जनाएको छ । नियुक्त नेपाल पर्यटन बोर्ड २०५३ अनुसार बोर्ड सदस्य भएको हो ।
TOURISM TIMES 