सम्पादकीय
नयाँ सोचको पर्यटन
विस २०७१ को प्रारम्भसँगै प्राय सबैले नयाँ कार्यको थालनी तथा सोचको बाचा गरेका छन । नेपाली नयाँ वर्षको प्रारम्भलाई भविष्यतर्पmको संकेतका रुपमा बुभ्mने हो भने यो समय सुनौलो भविष्यको प्रारम्भ बिन्दु पनि हो । यसैले यो समयलाई पर्यटन क्षेत्रले पनि सुनौलो् भविष्यको प्रारम्भबिन्दुका रुपमा लिएर अघि बढनुपर्छ । जसका लागि पर्यटन सम्बद्ध व्यक्ति, संस्था, व्यवसाय, निकायले अबको बाटो यसरी जाने भनेर अहिल नै तय गर्नु उपयुक्त हुन्छ । अहिलेको समय वर्ष २०७० मा भए गरेका गल्ती कमजोरीको सुधार र उपलब्धिको थप विश्लेषण गरी वर्ष २०७१ का लागि उपयुक्त सोच निर्माण गर्ने समय हो ।
वास्तवमा अहिले नेपाली पर्यटन क्षेत्रका लागि प्रमुख सहयोगी माध्यमको भूमिकामा रहनुपर्ने पर्यटन बोर्ड जुन हालतमा छ । त्यस हालतबाट पर्यटन बोर्डलाई अघि बढाउने काम वर्ष २०७१ का लागि पहिलो महत्वपूर्ण कार्य हुनेछ । यसका लागि पर्यटन बोर्ड, मन्त्रालय, निजी क्षेत्र तथा राजनितिक दलसम्मले अहिलेको पर्यटन बोर्डको अवस्था आउनुमा आपूm कहाँनेर जिममेवार छु भनेर विशलेषण गर्नुपर्ने आवश्यकता छ । यसतो विश्लेषणले मात्र आपूmले गरेका कमीकमजोरीलाई सच्चाएर वर्ष २०७१ मा नयाँ सोचका साथ अघि बढन बाटो खुल्नेछ । त्यस्तै वर्ष २०७० मा नयाँ ढङ्गले अघि बढने प्रयास गरिरहेको नेपाल वायुसेवा निगमलाई वर्ष २०७१ मा थप नयाँ सोचका साथ अघि बढाउनु अहिलेको आवश्यकता हो । निगममा नयाँ जहाज आउने खबर सुखद भविष्यतर्पmको संकेतका रुपमा लिइएपनि त्यसको दिगो सञ्चालनको रुपरेखा पनि कोर्नु आवश्यक छ । निगमको कर्मचारीतन्त्र अहिले ‘घर पोलेर खरानी’ भन्ने मनसायको छ । यसबाट निगमलाई बचाएर अघि बढाउन सकेमात्र निगम अब इतिहास बन्न बाट बच्नेछ । अन्यथा जति नै नयाँ ल्याएपनि, थपेपनि निगम उँभो लाग्ने सम्भावना देखिदैंन । सरकारले हस्तक्षेप नै गरेर भएपनि नेपाल पर्यटन बोर्ड, नेपाल वायुसेवा निगम जस्ता संस्था बचाउन अग्रसर हुनुपर्छ अन्यथा नेपालको पर्यटनले चाहेको गति लिन सक्नेछैन ।
नयाँ वर्षको प्रारम्भलाई प्रतिबद्धताको चरण मानेर अघि बढने हो भने पर्यटन क्षेत्रका व्यवसायीले पर्यटकका लागि इमान्दार सेवाको प्रतिबद्धता, सरकारले पर्यटन क्षेत्रको विकासका लागि इमान्दार प्रयासको प्रतिबद्धता र जनताले पर्यटन विकासका लागि इमान्दारीपूर्वक सहभागिताको प्रतिबद्धता गर्न सके नेपालको पर्यटनले फडको मार्न धेरै समय लाग्ने छैन । अहिले नेपाली पर्यटनमा इमान्दारीको मुख्य समस्या छ । सरकार पर्यटनबाट राजश्वमात्र असुल्न सक्रिय रहने तर पर्यटन विकासमा भने सधैं उदासीन रहँदै आएको छ । पर्यटन बोर्ड पर्यटन प्रर्वद्धनको मुख्य जिममेवारी भन्दा पनि कर्मचारीको बिदेश घुम्ने माध्यममात्र बन्दै गएको छ । पर्यटन व्यवसायीहरु पर्यटकलाई उपयुक्त सेवा दिनभन्दा पनि पैसा कसरी बढी असुल्ने भन्ने प्रवृत्तिमा रमाउँदै गएका छन । यी कारणले हाम्रा पर्यटनका सम्भावनाहरुलाई उपलब्धितर्पm भन्दा पनि समस्यातर्पm धकेलिरहेका छन । जसले नेपाली पर्यटनको उन्नतिमा समेत बाधा पुर्याउदै आएको छ । तयसैले नववर्ष २०७१को यो प्रारम्भ बिन्दुमा पर्यटनका सबै पक्षहरुले इमान्दार बन्ने प्रयास गर्नैपर्ने भएको छ । यसले नयाँ सोचको पर्यटन विकासमा समेत सहयोग पुग्नेछ । नयाँ वर्षको सबैमा शुभकामना ।
TOURISM TIMES 