मार्चदेखि पर्यटन सेवा शुल्क दोब्बर
सरकारले पर्यटन सेवा शुल्क दोब्बर बनाएको छ ।मार्चदेखि पर्यटन सेवा शुल्क दोब्ब यससँगै पर्यटकहरुले प्रति व्यक्ति ५ सय रुपैयाँ शुल्क बुझाउँदै आएकोमा अब एक हजार रुपैयाँ तिर्नुपर्ने भएको छ । आगामी मार्च १४ देखि नयाँ शुल्क लागू हुनेछ ।
नेपाल पर्यटन बोर्डले पर्यटकसँग लिँदै आएको शुल्क ९ वर्षपछि दोब्बर बनाएको हो । नेपाल पर्यटन बोर्ड निर्देशिका २०५५ बमोजिम बोर्ड कार्यकारिणी समितिले गरेको सिफारिस बमोजिम अर्थ मन्त्रालयले अनुमोदन गरेपछि शुल्क दोब्बर भएको हो ।
बोर्डका अनुसार मूल्य अभिवृद्धि कर (भ्याट) बाहेकको यस्तो शुल्क नेपालका विभिन्न विमानस्थलबाट बाहिरिने पर्यटकहरुले तिर्नुपर्छ । हाललाई यो शुल्क त्रिभुवन अन्तराष्ट्रिय विमानस्थलमा मात्र लागू हुनेछ । बोर्डका निमित्त प्रमुख कार्यकारी सुवास निरौलाले बोर्डले स्वदेशी तथा विदेशी पर्यटन प्रवर्धनमा ध्यान केन्द्रित गरेको र सोही बमोजिम शुल्क परिमार्जन गरेको बताए । शुल्क वृद्धिसँगै बोर्डको बजेट बढेकाले पञ्चवर्षीय योजना बनाएर अघि बढने निरौलाले बताए ।
TOURISM TIMES 